LA PLENTE DEU PASTOU
Aülhès dé toutes las countrades
Sabiét aüdi noustes doulous
Qu'ey fénit a jamés de bédé tan d'aülhades
Per lous noustes camis, touts pingourlats de flous.
Aü bet miey deü printens, briülét béroujine
Qué déchabs lou loc aü banétch sabourous
Tu que'i seràs toustem, ço qui'm ba manca hèr
Qu'ey lou sou tan plasen deüs charmans tinguérous.
Aüprès dé tu ma mie, qué plouri de tristesse
Soubien-te en aquet temps, u cop sécat l'arrous
Qu'embiabom lou Pigou, goarda las aülhéréts
E tous dus suou gazou, cantabom uo cansou.
Adare tout soulet, capsus de la mountanhe
Co qui'm turmente més que las noustes amous
Qu'ey de sabé que leü, sus d'aquére pélouse
Nou'n chérirey pas més lous pétits anhérous
